"ارجوک لا تبچی یا صگری"
بین العشگ والشعر الگاک موج او بدر
واشتاگ شوگ الگطه واتصیر نعست عصر
شنهو الیزعل الفجر والطیب تارس هواه
لا تستحی یا فجر سیفک تره من جمر
تتلعثم او ترتبک ،گول الالم والجرح
جرح المحبه الغُمگ کله غنج وی سُکُر
یا لیل کلک نجم او کل نجمه منک شمس
اهواک وارفع هواک جنت ورد بلصدر
صدری فلک بس الک آنی اَعبرک سما
او بس السما یسواک جنحک فلا ینکسر
آهی او الف آهات محروگ جسمی ابجفاک
او جسم الحمامه غنج وابریشه بس ینستر
چا لیش تسکت ولک کلی مُلک بس الک
او من ساس حد الجدم بیّه الم محتصر
اِفرح ولک یا ولف کُف البچی والدمع
فدوه الک مهجتی بس کون تبقه ذخر
واَتنازل امن العشگ بس کون تضحک يخی
واتنازل امن العمر بس کون تسعد شطر
یا هی التحبها اِلک وآنه صدیقه او اخت
آنه فراشت درب مسند الک کل عمر
بس میل بیه انتچی الغیره عندی کنز
یاریت تشهگ غنا موج او نسیم او صگر
زینب بدوی
موضوع: "ارجوک لا تبچی یا صگری"-الشاعرة زینب بدوی 
الخميس مايو 23, 2013 5:46 pm
