لفته ابن الحاج قاسم الحموداوی

الفمنیه

یا امـــیــنه الــفــمــنــیه شــرد اگلچ
انتی اصلاً مو بشر حتی آنه اکلمچ
حتی أعصب و الزم ابأیدی القلم
حتی اگلچ یا امینه خافی ربچ
حتی أسألچ هم ظهر بیچ الندم؟
حتی أسألچ انتی اصلاً تونسیه؟
لیش اعذب روحی اصلاً یا امینه
لیس انصحچ لیش اشیل ابگلبی هم

مو مهم عندی شعورچ

لکن إحچیلی الأهم
انتی اصلاً عربیه؟
یا امینه الفمنیه
یعنی انتی ابحاجه للحریه لجساد النساء
و من اجل بنت العروبه گلتی اتحمل عناء
یعنی غزة خلت ابقوسچ سهم
یعنی ذبت کل سترهه اویاچ بنت الناصریه
یا امینه الفمنیه
یعنی التلبس عبایه مو بشر
لا...

لعلمچ...
امی من تلبس عبایه
ابعین ابوی اتصیر آیه
و سمعی هایه...
امی من شافت صُوَرِچ
شَتِمَتِچ
یعنی اُمی ما تحبـِچ
امی قدوتهه العفیفه فاطمه الزهره البتول
لأن ماذبت سترهه مو لأن بنت الرسول
انتی من؟
انتی من شیعة علی(ع)
انتی من سنة عُمَر(رض)
بالله لیش أحمل قهر
فمنیه
ما اگلچ گولی توبه
ردی بس هاذ الأگوله
گولی آنه فمنیه
و آنه مانی عربیه
لأن بس اُمی العزیزه هیه بنت اصل العروبه
یا امینه الفمنیه

__________(_لفته ابن الحاج قاسم الحموداوی_)____________

» صوره المرحوم شیخ لفته ابن عبدالله بنی سعید و المرحوم داریوش ابن المرحوم شیخ لفته
» ابیات ابوذیه للشاعر الادیب المرحوم الحاج رحمه عبید الزرگانی:مدونة جنوب