الموگدهه او کفوها خلبخوته
ولا قط خلّه يرحم خلبخوته
مشه او ما بهله حسـّب خلبخوته
المن امـّه او ابو يــردع ســريّه
(***)
سـرّي الأخو الخصم العز بحلما
ردت ينباح وایکتمه بحلما
اشمفکّر لل لغــز هذا بحلما
لگيت او عثـــم جرح اللغــز بيـّه
(***)
ابرحاة الصبر والآمال خنفر
وابلحم البرد بعزوم خنفر
من قید الگطع والکره خنفر
و نظل خوان اخ يفخــــر بخيّه
(***)
ظعن ولفي يروحي يامطافي
ابلطف لن صبح گلبي يامطافي
صيحي ابصوت عاشگ يامطافي
ابعجل روحي العذولي احتــرگ حيه
(***)
إلما ألّف محن مجدي ولاقص
خنگ صوت العدل بيده ولاقص
ابجفاف النهر لافکــر ولاقص
هام الذل نخيله او سرگ ميـّه
(***)
أبوذيات بحق الفنان الراحل عبدالأمير دريس :
اظل لاخر نفس صدگ لو دريس
مجدي او مهم بدروبه لو دریس
دهري ابچف حتف غدره لو دریس
صح بس فنـّه أحيه الفن اليّه
(***)
ابثقافة ابدرب مجد العز مندريس
فنـّه اعتقد ما أندم مندريس
إذکرت طوره او بچت عيني مندريس
ارتحل ، کارون أحس ارتحل ميـّه
(***)
الدهــر ذب ابلطف گلّي خلفـمن
الحـزن وبفـرح يا ولدي خلفـمن
اعتقد عودک الشـت ظعنه خلفـمن
وطنّـه أثــّر إلوف اجروح بيّه
(***)
يدنيه ابمسه لا أفرح ولضحی
لأن منصفتي من کافح ولضحی
فطر عيد الألاه إلمن ولضحی
أقل من عيد نوروز افضليه
(***)
ختمته کلـّه عز مجدي منصــّه
إبعون الله وصرت عالي منصــّه
الکل شاعر شعر بالحگ منصــّه
قبلت وخل یدگ بیده عليــّه
(***)
ابوذية بحق الشاعر الکبيرملافاضل السکراني اطال الله عمره :
أحس بحر الشعر بعزوم فاضل
کرامة عز بنات أفکار فاضل
درايه اليمتلک و ادراک فاضل
ابوذيّة عميد الأبوذية
(***)
حشمت بينه امنه عصبتنه
ابحقدهه او بالچفافي عصبتنه
ابظعن العمر صاحت عصبتنه
حتی انجب اجيال الهالقضيّه
(***)
يليل العشگ تدري ماهوانه
هوانه اللي حسافه ما هوانه
هوانه او بعد فتره ماهوانه
تشابه گال بسماء الهوية
(***)
یسر الهوی تدري ماهواني
هواني المايفسّــر ماهواني
صحتلي انته او يگلّي ماهواني
حبيبک من وليفک شبه بيّه
(***)
ابوذية بحق الشاعر الراحل ستار صياحي :
منو مثلک علی راسه نگلــهم
شعب وأعدائه چم عگّر نگلــهم
يستّـار العليک أجنو نگلــهم
شهيد انته وعلم شعر القضيّــه
(***)
أذه إبرحّـاة إيدي أطحن وسلهم
من البيهم مرض مخبث وسلهم
أغمض العين کيف اگدر وسلهم
وانه اذياب احتلال اتحيط بيّه
(***)
تبيع ابجهل کل نشمي وکلمن
مناضل للخصم خایب وکلمن
دعيش ابعزّة الموطن وکلمن
ثـمر خيره او دنام ابضخن فيّه
(***)
المتيّم صرت بوداده منحتل
العمر وارضيت لگليبي منحتل
لزمته او زيجه المسکّر منحتل
جماجم صدره يهلي افتکن بيّه
(***)
ابصفاة الماي نيتي بل وساده
اوياک او بلوتي قط بل وساده
اذا نامن الاگي بل وساده
جن ودّک يغالي ايفز عليّه
(***)
إشلون اعزفلک آنه ابعود وسلاف
وله ابغابة حياتي أشجار وسلاف
ابهجرک نادميت السهر وسلاف
اشربت مثملت هوّه الثمل بيّه
(***)
مبارات لقول الشاعر احمد شوقي:
ساجع الشرقي طار عن اوکاره
فتولل بي فنن علا آثاره
صافي النيــّه أنه إبحبک وساجع
اوسعطش اذا ما شوفک وساجع
طرت عن وکري إبهجرک وساجع
صرت والساجعه فن صار ليّه
(***)
مظل ما بين اهلنه من شرفنه
مجد واحد شرفهم من شرفنه
دوم ابخوه نهتف من شرفنه
اخو والأخ مهنّد چف اخيّه
(***)
شرف انته السلفنه منته ضيفه
وشکرک اذا ابعزتک منتضيفه
ابخوّه من تگصده منتضيفه
لئن بيتک ينشمي بيت ليّه
(***)
دليلي ابصبح هجرک والمسافر
ابنار الحب يراحل والمسافر
ابدجه بس الگه صدگ والمسافر
الک عن لا تحس عذال بيّه
(***)
اکسر نخل هجرانک وحطبه
ابلطف وانزل وسط گلبک وحطبه
غرامک شده کل فکري وحطبه
جنون امواصلک دتصل بيّه
(***)
غربل من يخي شعري نخلمن
والمن حشّم ابصوته نخلمن
تدري الخصم هل گصّص نخلمن
نخل اهلک الثبت هالقضيه
(***)
عليک إيغير گلبي وجبه وحده
ابوصالک يلّي شوگک وجبه وحده
من اشفايفک عطني وجبه وحده
حتی ايرد لماها الأمل ليّه
(***)
ال لجل صيته او کبرته شل بخوته
اخو العايف عضيده شل بخوته
عجيد الدوم يعتز شل بخوته
ابعز راسه او مهو عگرب لخيّه
(***)
رجحه اعله النفس خلّک وفضله
ابوفه ولا تنکر اخلاصه وفضله
ابلطف جازي سهر ليله وفضله
حياتک نذر واوصالک هديّه
(***)
ابنهار العمر جسمي ماتفيّه
يغالي او ليش گلبي ماتفيّه
ابغرامک آنه ميّت ماتفيّه
حتی إبرمس ود نرغد سويّه
(***)
شجر هجرک دکسره ونتحطبه
يغالي او گلبي ملکه ونتحطبه
ابوصالک زيح همه ونتحطبه
ابغرامک يالغرامک نار بيّه
(***)
اخذ گلبي دکتبه وانته ورده
ابدفتر ضامي الحب وانته ورده
شجر وصلک تراني وانته ورده
و عطرک من أشمّه ايفوح بيّه
(***)
شجر وصلک ابفاس الوصل حطبه
يولفي او هاک گلبي ابشوگ حطبه
دحن او کاس ودنه ابلطف حطبه
شراب اللمه وخل نسکر سويّه
(***)
انتسبنه الحي غرامچ ونتمينه
الچ لنچ وفيّه ونتمينه
محطّة وصل صرتي ونتمينه
او رسينه العمربيچ او امانيّه
(***)
يطم بخته الذي دايم شعبّي
حقد ممليه غير الذل شعبّي
إحگره هالوطن يوجد شعبّي
بخيت او بي يشور القاط ميّه
(***)
عجز فکري يربي ملقيوده
من اصحابه المقيد ملقيوده
ملو من بیر طيبه او ملقيوده
وفه مملي لگا بي راس حيّه
(***)
الميحب الوطن وارضه يزلما
يهزّه او من يجي محسب يزلما
اصيح اويه الذکي اسمع يزلما
عشگ مجده تشربه اسموم حيّه
(***)
يود الوطن بالعزه وکمله
يا خي و أدّي الواجب وکمله
چم کلمة نعم ذلة وکمله
ابوجه الخصم صنعت مجد هيّه
(***)
نزاع الصار ويامن وبنمن
او خصمي اعتقل والدمن وبنمن
سر التفرقه اتشخص وبنمن
فتن اهل الحقد والجاهلية
(***)
قضيه الصارت ابحينه بنتمن
او ضحيه المشت مغصوبا بنتمن
صحيح النهوا گالوهه بنتمن
جهل جدران بين الأخ واخيّه
(***)
ألح عاليحس عالمايحس مالح
ابمحنتي او سهم حچي الجهل مالح
إبگلبي او اود ماي المجد مالح
يغزّر باليدل خصمي عليّه
(***)
عشگ فرّاشه عشگيتک وبرعام
او نسّاني لطف والد وبرعام
مشيت الخاطرک واحه وبرعام
او لگيتک ياوطن بعدک بأذية
(***)
البارح بالحلم صدفة يتم عيد
تنشد تم عرس عدکم يتم عيد
اخبرتها العيد بس يبچي يتم عيد
الشهيد الکتب بالدم مجد ليّه
(***)
غربلمن يخی شعري نخلمن
وإلمن حشّم ابصوته نخلمن
هم تدري الخصم گصص نخلمن
نخل اهلک الثبت هل قضيّة
(***)
الجبهه الهلي ماتعرگ وقصه
ابشعره الگال حز راسه وقصه
رواية ابذل علی الّلف وقصه
لئن هوه السکت والراد حيّه
(***)
عن الموطن دخبره کلمعلمه
الجاهل لن ميقبل کلمعلمه
گله الأرض تبقی کلمعلمه
ام والأم جنان الخلد هيّه
(***)
تولع يا ولف گلبي وجن باک
او ودک لو ملک ساکن وجن باک
اذا ترخصلي احضالک وجن باک
انامن ليلة تنعد عمر ليّه
(***)
إخذ گلبي دشخصه ونتعينه
يولفي او دوفه بيدک ونتعينه
رمش خلني الغرامک ونتعينه
او من الحساد خل يتغطه بيّه
(***)
اکسّر شجر هجرانک وحطبه
ابلطف وأنزل وسط گلبک وحطبه
غرامک شده کل فکري وحطبه
جنون امواصلک دتصل بيّه
(***)
الجل صيته او کبرته شلبخوته
اخو العايف عضيده شلبخوته
عجيد الدوم يعتز شلبخوته
ايعز راسه او مهو عگرب لخيّه
(***)
اذا خل قصر ابحگک وخنساء
ولو غرگته بفضالک وخنساء
شبه ساجعه اظل انته وخنساء
علی طبعک تون بخلاص نيّه
(***)
الیوم الباعني الخصمي ومسباح
دمي ابّحره ما فوين ومسباح
الضنا الطیبين عوچيه ومسباح
يسر اصبح، یسبح ابکيفه بيّه
(***)
النوايب شمّن ابعمري ولحسان
او عليّه لا فضل عدهن ولحسان
بالزيان افتنن اهلي ولحسان
او چسنهم تفرقه او عاشو بأذيّه
+ علي المطرودي
موضوع: ابوذیات -لشاعر علی المطرود 
الجمعة مايو 24, 2013 2:48 pm
