صب یا مطر . . صب یا مطر
صب طیب اجروح النهر
صب خلی گطراتک تضل تتمرجح إبورگ الشجر
صب یا مطر . . صب یا مطر
یغدی بخیال الفلح من صبک الف شکبان مملی من الثمر
صب و انت حسک نغمه ترفه من الوتر
صب فزز الورده الغفت حـــدر الصخــر
صب خلی تصبح شاعریة و حلوة لحظات السمر
صب طین إجدام الرجع من بگشة الماضی عـــبر
إهدیه شی من التخیل و الصور
صب بلل زلوف البــنیه إلتـلعب إبراگ النهر
حـن یـــا مــطر . .
یکسر الخاطر و الگلب ، حـال الشـجر
رد یــا المسافر و الأرض تـهواک محبوبه و تود . .
« محبـــوبها إیـــقبلها من بعــــــد السفــر »
صب یا مــــطر . . صب یا مـــطر
جدد الصوره إلبیها إشوفن ینعکس بالهور تصـویر الگمر
صب یا مــطر . . صب یا مـطر
کل زخه منک تنحسب شدة ورد و مضمره إبورگ الشجر
صب و انت تـعرف یا مـطر . . .
من ریحة الطین الحنین ، إلعام من صبیت چم شاعر سکر
صب یا مطر . . صب یا مطر
للشاعر حسن عاشور
موضوع: للشاعر حسن عاشور-اقتباس من مدونة زهرة فلاحیه 
الجمعة مايو 24, 2013 3:13 pm
