الشاعرمحمدابوعمارالحزباوی

چان اسوادی ابقریه ایعیش اویکسب رزقه امنل بستان

اویطعِم أهله ابحاصل گاعه اوخیره ایعم اعله الجّـیران

اویشکرربّه ایصلی اویـــرکع دوم ایـــــرتل بلقـــــرآن

قانع دومه اووجها امبشـبش یلعـب روّه اویَه الصّبیان

اووکت اللیل ایـــزوراصحابه اویبدی امسامـربالدّیــوان

اویحضن موگد دَلة الغیره الظلت رفگـــه اویَه الفنجان

اوبعد السهره ایعــــودالبیته ابـــراحة بال ابلایه احـزان

مـــرّت فتـــره اویاله اعــریبی نجله الیدرس والفهمـان

گـله اشبیک اتخط ابجدمک شنهو الصّایرشـــــوتعــبان

گــله اتفکــــرآنه الفاهم أرهـــم راعــی اویَـه الرِّعــیان

گله اسوادی اشغـــثک یبنی اوشایل همَّــک بي شکبان

گــله اعــریبی اتحسب کلمن عاش ابقــریه انعدّه انسان

گــله اشـــرایدهسّه امعـصِّب اعــرض رایک یا(زعلان)

گـــله انعوف القریه اونمشی اونگصد دیره انشیل الآن

گــله اتوکل عــوف القریه اوسهمک اخذه امنل قطعـان

راح اعـریبی امحصل حصته اوباع القریه ابچم اقـران

اوعاف الأُم السهرت لجله اوأب اوإخته اوعشراخــوان

باع الیوره اوعـاف الگاع ابــوکـت الحاصل بل نیـسان

اوعاف البرحی المجبل خیره العالی اوشامخ والنهـران

اوعاف الهوراوذب المـردی اوعاف البـرزم والگطـّان

عاف القـریه البیها اصحابه اوراح الدیره ابـلا صحبان

اوظـل ایـــدورابذیچ الغـربه ابلایه احباب ابــــلاخــلان

اوتایـِه ظــــل اوحایــــربامرَه اویمشی ایـردِّم بل بیـبان

طَـب للسّوگ ابــــلا تدبیـــــراوگــــلبه اتعلگ بالــدِّکان

طـش امواله ابیوم اولیله اومایکسب شی بس خسـران

اوگـــل الیــــاره الیَمَّه ایبیع اشلون اتفوزاتظل ربحـان؟

گــله الــراید یـربــح لازم کـــون ایـــزوغـــل بل مـیزان

گله اترید اعریبی ایغش اویصبح خالی امنـل وجــدان؟

اوداعـــة ربی اوربک ماغش حتلو أهلک چي جوعـان

اوعــاف السّوگ اوهج ابلیل اوگام ایــــروغ امنل دیّان

طگت روحه اونکتت جسمه اترید اتنفضه امن التـّربان

مَلـَّت مـــن الدیــــره اویـــرّت گلبه اوهامت بالـــودیان

اوجدمه انعَت القریة حُبّه اویَـرّه الشوگ اعــله البستان

اوعَطـَّرنفسه ابعطــر الجـوری اووَردالنرجس والرّیحان

اوشاف البرحی امدلیه اعـثوگه اوبلبل یرگص عالرّمان

اوعشب الگاع امورده اخــدوده ایغنی اومُغرَم بالغزلان

اوطاووس الحُــب فـــوگ التـّینه ایغازل یبرز بـل ألوان

ایغازل خـــله ابلـــونه الباهی اوخِله ایرحِّب بل جنحان

اونحل العاشگ شارب خمره ابشهدالورده ایظل سکران

اونبع المای الصافی امحدِّرمُغرَم عاشگ کــل عطشان

ابلهفه ایزوراجذورالخل اویـــوصل گـلبه امنل أغصان

اوشاف ابعینه اطفال القـــریه اشلون اتصفگ للعِرسان

اورَد ابشوگ الذیچ القریه اویحضن کل واحــــد لهفـان

اوحب اتراب اجـدام اسوادی اوبیَّن لهله اشگـد نــدمان

نام اللیل ابــــراحة بــــال اوحلــمه اتفجَّـر کــل بـرکان

الشاعرمحمدابوعمارالحزباوی