الشاعر محمد الشويكي

بعده الليل واگف . . بعده يم الباب

وعيون الشمس نعسانه ماتطلع ،

واحنه بحجة الظلمه ..

نسد الشوف ،

و نحط بحلمنه عيون وآمال وضوه مرصع .

لاتعلگ شموعك لاتوج الروح ،

يتامه احنه وبلياك الأمل مذبوح ،

أخو روحي...

المشاعر كلهه تتنخاك ،

لاتسحن بروحك بعده طور الليل ،

وعيون الشمس نعسانه ماتطلع ،

خسران اليمر وعيونه ما تلگاك ،

يادره بحضن محار ،

عفه البيك ...

سالوفة وطن وسنين ،

لاتسحن بروحك بوبنه اتانيك ،

حنه وياس ،

مزنه تدث عشگ واحساس ،

بيك تعرس ابساتين .

خليك لأملنه تضمد الملچوم ،

لا تعلگ اشواگك ...

خاف تگضي بغير وكتك ...

والقيامه تقوم .


[color=red]الشاعر محمد الشويكي[/col