شاکر بنی سعید
Admin
المساهمات : 227
تاريخ التسجيل : 13/05/2013
العمر : 57
الموقع : منتدیات قبایل العربیه -قبیلةبنی سعید فی ایران وعالم العربی
 |  موضوع: الشاعر توفيق نصاري  الإثنين مايو 27, 2013 2:51 pm | |
| غداً
تذبل وردة آمالي
الفاحت من سچب دمعي
و اترک لمّة أهلي
و ضحک گعدات ربعي
و ينتحر شيطان شعري
وأرياح الغدر
تگضي إعلی نور شموع صبري
غداً
اشتاگ للديره و أهلها وليلها
أشتاگ من أعماق وجداني الشتاها
و ال نحرت شوارعهه
ال تذکرني بمراکبهه
ال نحرت أمواج البحر
و بَدلـَت الأزرگ حمر
غداً
ادخل خدر ثالث
خدر مجهول
غداً لو بيدي أرجع للقهر
غداً لو بيدي أرجع للسهر
چيف أهجع ؟؟
غداً لو بيدي أرجع
غداً
روحي إتصير طيره
وترتفع فوگ
لا نسر يعلی عليها
و لا جنح خطاف
تغدي إزغيّره ماتنشاف
تنظر للأرض ودموعها تذرف
تنظر للنخل يومي عليها
و للأسف موبيدها تعطف
توفيق نصاري
1434
.....................................
«يوم العمر»
ياوسفه مَر نصف العمر
مَر الصبح مَر الظهر
مِنه بگَن ليله وعصر
هذا العمر
الدهرمن طرت الفجر
ظل يعصف سموم العسر
و ظل يفزر بگلبي فزر
مِنه بُگَن ليله وعصر
هذا العمر
آنه ادري ابعصر العمر
ايکسِّر الخاطِر کَسر
و اببحره مايحصل يزر
و بجور مدّه يستمر
آنه ادري ابعصر العمر
مثل الصبح يعصر عَصر
رمّانَة الفَرحَه و يمر
مِنه بُگَن ليله وعَصر
هذا العمر
آنه ادري ابليل العمر
ليل العمر مِثل الظهر
يچويني بجَمر الغَدر
و ينحَر مَسَرَّاتي نَحر
و يجبرني آنه أدري جَبر
ال شِرِب کاسات الصَبر
ظلن بعد ليله وعَصر
عن الگَبر
توفيق نصاري
...............................
شجر غابة فخرنه يبس صف صف
و أرضهه الخضره صارت شبه صفصف
علی ضفة نهرها چان صفصاف
و تفوح الحنه چانت حدر فيّه
--------------------------
شرّبنه الزمن غصباً سمومه
و جعل بشراع أمانينه سمومه
علينه امن الصبح تعصف سمومه
ابأسه و وکت المسه يهطل أذيّه
----------------------------
للشوس العسر ذله يراوي
عسر دهر الغدر شرحه يـَ راوي
چثيره اسباع سواها يراوي
و جعلها تنوص ابفي الثنيّه
-----------------------------
صبحنه اخفاف ياصاحب دگلنه
يبس گنطارنه وحشّف دگلنه
أمس ريح الجهل کسّر دگلنه (عمود الشراع)
و غرگنه أحنه وسفينتنه سويَّه
------------------------------
أنا شربيت ماي الترح من حب
أسی چيف أبتهج واتريد مـَنحب
نثرت ابگاع حظي التعس من حب
و سگيته ابماي عيني وخفگ ليَّ
-------------------------------
اليوم هم ايصير أمس
اليوم هَم ايصير أمس
مثل ما أمس الاول
چان أمس
تعالوا انعيش هاليوم ابأمل
گبل لَتسَلِّم إعلينه الشمس
تعالوا انفکر ابباچر خضَّر
تعالوا انفکر ابباچر أمل ...
باچر عمل ...
باچر يذب چبنة أمس
أمس سمعينه هلهولة عرس
و اليوم طلعت من محلّتنه نفس
اشکثر عن الدهر گلنه شرس
وقلمنه إعلی سبورة أمسنه اشگد کتب - الله کريم-
و احنه يوميه ندوس اعلی الصريم
کافي همس
کافي يـإس
اليوم هم ايصير أمس
مثل ما أمس الأول
چان امس
توفيق نصاري
1433
///////////////////////////
کلما ينجرح گلبي
کلما ينجرح گلبي
اتذکر جرح رجلي
و جرح عچسي
وأظل أبچي
و ثـمَّ أمسح دموعي
و أرد أضحک علی روحي
کلما ينکسرعزمي
أرجع ال کسرات أقلامي
و أظل اضحک
وثـمَّ عبرتي تخنگ الضحکه
و أرد أبچي
توفيق نصاري
91/11/26
///////////////////////////////
الإنسان
الإنسان
يشبه الرمّان
ليش امشان أکل العيش
کون ايصير مثل اللوز؟؟
توفيق نصاري
/////////////////////////////////
شوگي حار
شوگي حار
مايبرد بليل الشتا
شوگي موّع الحالوب
گبل ليطيح فوگ الگاع
عرف شوگي يموعه
وماع!!!
توفيق نصاري
1434
//////////////////////////////////
گام ابو الطراد
گام ابو الطراد
ايشوف السمچه نوط
و اليزّاف
گام ايشوفه من يرجع
ضِلِع وحفوف
و الگلاف عينه اتشوف
کل من يشتغل بالماي
لو دگ باب دکّانه
بلم مزروف
کل شي اتغيّر اليوم
بعد محد يرد الطعطعو للماي
خاف باچر
حتی ماي البحر ينصاد
بعد ياهو يغني للموي ،
ظل الريح يعزف
والسفينه اتحوم
ياهو الّي تشوفه امغندب ومهموم
کلهه اتدوّر إعلی العيشه
بأعماق البحر
کلهه اليوع ماکلهه وتدوّر گوت
حگه ابوالطراد
ايشوف السمچه نوط
واليزاف ايشوفه زبيدي وهامور
توفيق نصاري
////////////////////////////////////////
بلبول ايغرّد بالنخل
بلبول ايغرّد بالنخل شلّک غرض عنده
اليا سبب کتليت صـوته لـلنخل رده
*****
ليش صبته و دمميته و صار من شرّک جريح
و حرمت صوته اليهدي وحللت صوت النبيح
يلي ذاتک دوم سوده و مو مثل وجهک صبيح
و يلّي ماعندک مودّه وکل وکت بـالحب شحيح
لـيش حطـيته ابگفـص ثعبان واتعلم فحـيـح؟؟
و گام يــلدغ عگب ما چان مــحبوب ومــريح
چان البــگلبه يــگوله ومـايــغرد للــمديح
قيس أهوه والنخل لبنی و صرت انتَ ذريح
ليش تفعل هـ الخطيئه و تعتقد فعلک صحيح؟؟
ليش تتماطل يصائد؟؟ صير کل وکتک صريح
*****
هم ينکسر قارب عنادک هم تجي المـَده
بلبول ايغرّد بـالنخل شلّک غرض عنده
***
توفيق نصاري
1433
| |
|
