عبود الحاج سلطان
تشد علراس عصابه لیلمن
یوگ لو قصدک اجروحی لیلمن
الو ینزل من الباری لیلمن
سلو امنسلاک سل ایصیر بیه
..........................................................
ملاء رحمه الزرگانی
امنشوفک ینور الطلعه بکتراک
شجونی و افرح امنگعد بکتراک
عینی ابکثر ما لجلک بکتراک
ضیاهه اعطف یعگلی اورد علیه
..............................................
جاسم الهلیچی
یناهی امتیم البهواک یلماء
النوه والایم البحشای یلماء
عفت حبی وحنانی ورحت یلماء
نسیتک یوم لیش اگطعت بیه
.............................................................
شایع حسن الهلالی
رساله من الاخ العزیز سهل ابو علی الزرگانی
ابیات الی الشاعر شایع حسن الهلالی
علی تبچی یوالدتی وناحای
ادوس اعلی الخطر عمدا وناحای
تم محزن یلمجابل وناحای
افرح لوسرا الجناز بیه
اعید من یثور التفگ بیدای
سم ابکاس اشرب اعدای بیدای
ینشدنی الطبیب الگلب بیدای
لا اگله ولا کل مرض بیه
........................................................................
الشاعر جلال ابن عزیز ابن الشاعر شیخ ازغیرون الزرگانی
بسم الله مجری العیس فلقید
الگمر حل ابضمیر اکلیل فلقید
لاباس ان سکنهم قاف فلقید
لیه فی النوم حکمولی جفاء
..................................................
شیخ حنش
هابسیاسه یل ترید الزلم مــــویر
یطیبون الجرح لو چان مــــویر
العنده ارجال حط بسلف مویر
یطگ ویــــنـــدعي راعي الثنی
........................................................
اسماعیل الضبی
الح الگربت الخوان مالح
البعدهم وعلی ظهر الغیض مالح
تدری اشوکت اگول الملح مالح
اذا غزر و اخو یقدرخویه
........................................................
شایع حسن الهلالی
بیک اضوی الملک وزهی بلدنه
وحنه ابکل بحر گوش بلدنه
چذب یامن تگول ادنه بلدنه
دنوتی الما یعز روحه علیه
............................................................................
بیت من الشاعر احمد الحی ناصر الی الشاعر حمد العطیوی
انظر یا کمیل العگل وبحر
عبرت اعبر معاک اشطوط وبحر
سکنت اسکن اویاک ابشمس وبحر
رحلت ارحل معاک ابکل قضیه
بیت اجواب الشاعرحمد العطیوی الی احمد الحی ناصر
دوک ولانسم یوجد بحرنه
براد الچانک تسئل بحرنه
بکتاب اللعب یا احمد بحرنه
انتساطر وللعب یطلع سویه
...............................................
ملا محمد المایود
ومیض اسلافهن بین من الیل
عسجد ودرع ثغره من الیل
بهات الطلل خیلته من الیل
کشف عنی السحاب اوبان ضیه
......................................................
عبدالله الفاضل
هلی یامرکب بالبحر مامال
اهدیب اوقلطوله الحمل مامال
قصاء بینه الوکت ابکثر مامال
اوخلانه دحایس للاجناب
هلی بالمرکب العالی یشبون
ودوم سراج بالظلمه یشبون
هلی ماکادو العاطف یشبون
خلوهن حیل لطراد الضحه
هلی نزالت المشرع وهل عود
وهل خیل رمک سبق وهل عود
اهل دله وهل عبد وهل عود
علیهم یوم لگوات الجناب
....................................................
الشاعر الادیب ناصر ابوعیسی الزرگانی
هلی لراس عصابه بهنهاب
وجدم لوخذو حگی بهنهاب
هلی خلو حرابیهه بهنهاب
لظا وتشیل عل عایل لوه
...................................................
ملا فاضل السکرانی
عله جدم الابائه ابعزم وچبیت
وچفیت الکاس ذل النفس وپبیت
ابمهر عز من غرت معثرت وچبیت
ومدیم اخیالتی بول سریه
اشاجی چنت من زغری ولاجی
وعله الحگ یکثر اعنادی ولاجی
دوم ابعد عن الباطل ولاجی
ابمچان البیه ذله ومهضمیه
الگلب کل ارتعاش الصار بیمن
سبب فگدک وزامط بعد بیمن
امن اخوتی انته الچنت صمصام بیمن
نخوتی وسیل جودک شطر لیه
.........................................................
شایع حسن الهلالی
یوم الکون ماچلیت لاگیت
اوبس النه جیاد الخیل لاگیت
عدوی من اصطره ایروح لاگیت
رحل من دار عزه اوگطع فیه
انه اشما راح منی مایهمنی
انه الیعرف اطباعی مایهمنی
الو ینطبخ لهمی مایهمنی
عاصی والعناده طبع لیه
................................................
ملا فاضل السکرانی
احبابی الشالو ابحالی یخلون
بچیت اومدمع اعیونی یخلون
مرض من عظم فرگاهم یخلون
ابچبدتی ونار مستعره اوعذاب
عله راسی العشره اشنفع شبچای
اوعله الراح شیفید الدمع شبچای
ماصاد الیوده الگلب شبچای
انثرت حب حب وفای و غدر بیه
حبیبی المن افراگه الگلب بیداء
حده الحادی ابظعنه اوگطع بیداء
غصب بعدوه عنی ولون بیداء
حصل ضل منفصل واتصل بیه
................................................................
شاوی البدوی
ازمول الراحت امنیدی شگلها
الدهر میشوم ماخیط شگلها
علیهم لو شفت روحی شگلها
غدو وهمومهم ضلت علیه
............................................................
ملا فاضل السکرانی
عمه ابحش حسچ مشکلتی منیلای
اویهیج اسلف دلالی منیلای
امن اضل بل بیت اغث یاری منیلای
البراری ابکل وسعهه اتضیج بیه
........................................................
عیسی المذخور
ابرض وعره وحید ابدار حلیت
اوعلی صاحت اسهام الدهر حلیت
انهضت مسرور لضرعان حلیت
اوگلت یامرحبه ابهای المنیه
چنت اومی وعلیه المجد یومای
اوچنت راغب تشوف العرب یومای
درفعی الراس لاتبچین یومای
ترا ابچاچ ایشمت العدوان بیه
..................................................
جبار الکنعانی
ابسیاســــه یل تریـد ازلم مـوزر
اوحچی العدو چنه فشگ موزر
خـوی الصاق بـشـدات مـوزر
یثبت لوعلیه حتف المنیه
...............................................
احمد احی ناصر
خوی الما یشد اویای ویعن
وتظن گلبی ایحن اعله ویعن
ابچان الویع ریته انصعب ویعن
ابگلبه ولابراه امن المنیه
وحق الما خلق ربی شباهه
نبی ونیران البگلبی شباهه
اعذره الما دره ابعلتی شباهه
قهرنی المطلع وایلوم بیه
............................................................
سید فرج بن سید سلمان آلبوشوکه
ایگلّولی تحن اشلون ماحن
الغیری ما اشوف ادهر ماحن
اذا ابن امّی الرضعت اویاه ماحن
اگلوب الغیر یمته اتحن علیه
.............................................................................
المرحوم الحاج سید حمد السید موسی الحسینی الغرابی
ارکبت حمره معنگیه من الخل
وعسی عود العوی حربه من الخل
اسنین التعزل الخوه من الخل
هذی بالکتب و اجرت علیه
...................................................................
المرحوم سید فرج السید هاشم الحسینی الغرابی
حرت لا افترچ یمنه ولیسار
و تچیتی بس ابومحمد ولیسار
الی اثقه ابعصمتهم ولیسار
العجل ثم العجل یهل الحمیة
..............................................................
سید محسن الموسوی
ملونی الاهل من نوحی ولیناب
ولا اخو سمع صوتی ولیناب
العلیهم چنت الی شرها ولیناب
همه والدهر صارو علیه
....................................................
حبیب العموری
العمر خلصت لیالیه کلبهم
ولاساعه اسف ینعض کلبهم
اهل الکهف طابگهم کلبهم
وانه اعضای ابنفاه اگطعوا بیه
...............................................................
وداعه البریهی
رخصت الدمع من عینی بهالای
السبب روحی الدهر خلف بهالای
ذکرت ادیارنه الچانت بهالای
مزهره وصبحت منهم خلیه
......................................................
علوان البدوی
شرف بنوط ماهو ابحسب بلجد
اوجواد الیدعم الکلفات بلجد
ارانب ولیرد صفت بلجد
علی بخت ازمان الخان بیه
حنین النیب یشجینی وحن بی
ولیال افراگهم موتی وحن بی
یشامت دوک اخذ دمعی وحن بی
مرامک ولتریده صار بیه
الدمع من عظم فرگاکم تراکت
الک والنوم من بعدک تراکت
انه اعله الرمح قصبا تراکت
ابتلیت او بلوتی یتلی من ادیه
................................................................
یوسف الشرحان
مظنن گعد الخوان تنمل
ولا منهه ظروف السمر تنمل
یاهل اوادم احس بلنفس تنمل
ابیمر من شحو احبابی علیه
..........................................................................
عبدالله میاحی
اچنت بوجودهم مرتاح ماهم
افگدتهم بزلم یاحف ماهم
ادیه امشددات اوبعد ماهم
عگبهم بینت خله علیه
........................................................
یونس الخلف
وحق البلحرب ماذب نگابه
الواثق بیه کسر بیتی نگابه
الماعنده عله الصاحب نگابه
ابد لا تمنه ایطب اثنیه
العسر مثل العدو للبشر وخطر
یفشلک من یچهبک ضیف وخطر
صدیقی من نخیته لبد وخطر
تعنه اوروح للبیهم حمیه
موضوع: ابیات متنوعة من شعرا -مدونة دیوان صوت الاهواز 
الثلاثاء يونيو 04, 2013 3:32 pm
