ابوذیات-شعبیه الاهوازیه

ابشبچ شوگی یطیر ابحین شفتک

تورطت ابهواک وگلت چشفتک

گالو کل عسل یاترف شفتک

واشهه امن العنب والخوخ هیه

(الشاعرهشام العدگی)

................................................
نخیته اللی یگل الکون فیکون

وندبت البلحرب مرات فیکون

ردت حبهم علیه ایدوم فیکون

لجل شمس الهجر لاتمض بیه

(الشاعرسرتیب الباوی)
....................................................

مربیه ولیه امعاتب اویاک الک چم یوم ما مریت بینه
وکل ساعه الگلب ینشد ولعیون علیک اینا شدنی افلان وینه

اخافن وصلولک انا ناسیک وگلولک چلمات شینه

لالا بلعکس مو هینه انساک شفت الشوف یگدر ینسه عینه

مرات انه حافی اتعنه للباب وحس چن جای لینه

واذا ما اشوفک اصرخ واگلب الکون وکسر بابنه چه ما تجینه

(الشاعر مهدی الریحانی)

..................................................................
الی ابیوم الصحت ماهد مهدله

ولونّی ابزغره چنت انه مهدله

ثوب العز علی لایج مهدله

ولا خلّی الشماته اتحیط بیه

(الشاعرسیدجبارالجبیلی)