صوت الفراشه
جفّت عیون الورد ورد العواطف ذبل
لا طیف مر بلحقل لا بلحقل فد ضحه فرس السعاده صهل
یا نبعت البلدلیل فیضی عسل للولف ولفی الفِطر مهجتی محتاجه اله تذکار
تذکار من چبدتی اصل العشگ ایثار
یا نَجمت البلسمه فکر الفتات اقترب من شفرت الانتحار
وابواب حی الوفه مگفوله حد البچی
او شنهو یفید الحچی
ناموس خد الشعر مِترب خجل حسرات من طاحت النخوه
هدمو قصور المجد او سیسو شرف من صخره کلش رخوه
یا طیر غرّد شجه تغردیه عُربیه
بت العرب تنهضم والغیره مطویه
یفلان غویک صعب کل لفتتک خنجر
مشبوگ بین الگلب
کل غیظ منک یخی عت العروگ او جر
واخفگ اظلن ولک من هبّت الاشواگ
واكتب دفاتر سهر
یا حیف گلبی انکسر
بچّه الشجر والورگ
او صاح القطار الصبح ودّع ازلوفی او مَرگ
عشگ الاغانی انکتل ینزف رجه ابکل نهر
محد عطف عل غصن نشّف حنینه او حَرگ
او صوت الفراشه انحدر
وابموج سطر العشگ رفرف جناحه او غرگ
زینب بدوی
موضوع: صوت الفراشه-زینب بدوی 
الخميس مايو 23, 2013 5:54 pm
