شاکر بنی سعید
Admin
المساهمات : 227
تاريخ التسجيل : 13/05/2013
العمر : 57
الموقع : منتدیات قبایل العربیه -قبیلةبنی سعید فی ایران وعالم العربی
 |  موضوع: مختارات من الابوذیه-lمدونةالشعر الشعبي _الشاعر سید حسن الشریفي  الأحد مايو 26, 2013 5:47 am | |
|
اسهام ارداف اسف ربعي ملوني
طحــت والما يملونــــي ملوني
نشــدني المادره اشلوني ملوني
الربع؟گتله ابنفاهه اگطعو بیه
سیدحسن الشریفی
****
کافي بنار هجـــرانك تصل لي
يولفي وبلوصل تبخل تصل لي
فرض حبك متی ترجع تصلّي؟!!
مساجد شوگنه اتناديك هيه
سيد حسن الشريفي
****
یلیل الما یصحلک شـــــبه بللیل
دکف دمعک علی الوجنات بللیل
العفو گتلک صباح الخیر بللیل
الفجر شفته بجبینک سطع ضیه
سید حسن الشریفی
****
يلوم المادره ابـــحالي شحالي
زرع والمـــاي بفراگه شحالي
يذوّگني الشري وگتله شحالي
الشري من چف حبیبي شهد لیه
سيدحسن الشريفي
****
کافـــي بلــــهب هجــــرانــــك شجر بای
احترگ روض الهوی وماظل شجربای
یگولــــون الهـــــجر جربـــــه شجربای!!؟
الهجر وصّل حسن حد المنیه
سید حسن الشریفی
****
لسان الضیم من عـــگلي لحس راي
ومن حسرت قهر اوگع لحسراي
تدري بحجر هجرانک لاح اسراي
! حیاتي وعتمت دنیاي لیه؟
سيد حسن الشريفي
****
جد السیر یا حـــــــادی ولی سیر
الطریج البی الی فرحه ولی سر
الی چلمـــــــات مدفونه والی سر
ابسلفنه وخاف شامت یفز بیه
سید حسن الشریفی
| |
|
