لاتجینه...للشاعر المبدع :عریان السید خلف-مدونة جنوب

لاتجینه...

چان گلت ابوجه الابیض ...

غیر معشرکم لگینه

جینه مشتاگین...

وابلهفه...

اوتسد بابک علینه

جینه یدفعنه الهوی..او دمعاتنه اتگطر بدینه

او چنت اظن عندک وفه...

او روحینّه من فرد طینه

غمّگت جرح الجفه...

اوزدت...

الگلب ونه الونینه

اعتب علی الروح ...چی لنها اعله ریحتکم حنینه

واعتب اعله الشوگ..والعشره او سوالفها الحزینه

علمتنی اشلون یتبرّه...

الخوی...

او حمل الیگع محّد یعینه

عفیه صحبة هالوکت

بیها التجافی...

اشوکح عینه...

اولا تجینه..

ما اجیکم..

والیدگ بابک بعد تنشل یمینه

اوجینه...

مدری الجدم زل بینه اعله دربک...؟

لوعمینه

اوجیت ارد روحی ...

البگت سنتین ...

بدیارک رهینه..

اوچنی ضیف او عادت الینضاف...

للخطار

یرخص مای عینه

وانته...

ما چنّک ربیت ابماینه...

اوشارب حنانه

وانکرت حتی العرف...

یوم الوکت

بیدک رمانه

عفیه گلبک هلبت ابساعة وفه

او بالک طرانه

اوجینه نشچیلک...

عذاب اجروحنه...

او لوعة هوانه

آخ...یا دمعک فلا یبطل

یهل...

لمن عمانه

یا عفه اگلوب التشیل...

الظیم...

وشنحمل عفانه

او حتی اعز الناس من طحنه...

ابهظم...

جارو علینه

او من وصلنه الدارهم گالو:

اشجابک؟...

لا تجینه ..

للشاعر المبدع :عریان السید خلف

» ابیات ابوذیه للشاعر الادیب المرحوم الحاج رحمه عبید الزرگانی:مدونة جنوب
» أهو حبّ كل هذا ؟-لشاعربدر شاکر السیاب-مدونة جنوب
» للشاعر حسن عاشور-اقتباس من مدونة زهرة فلاحیه
» قصیدة صرنی للشاعر عزیز ابوعبیر البریهی -مدونة غروب الشط
» قصیده رثائیه للشاعر ملا غلام ابومحمد